د افغانستان جمهور رئيس په پاکستان کې د نوي صدراعظم د ټاکنې په باب ددې هیواد خلکو ته مبارکي ویلې ده.
د جمهوري ریاست له خوا په خپره شوې یوې اعلامیې کې جمهور رئیس حامد کرزي هیله څرګنده کړي چې د پاکستان نوی صدراعظم یوسف رضا ګیلاني به وکولای شي ددې هیواد خلکو ته پرمختګ او سوکالي راولي او د ترهګرۍ ضد جګړه کې لویې لاسته راوړنې ولري.
ښاغلي کرزي همداراز ویلي، تمه لري د ښاغلي ګیلاني په حکومت کې به د افغانستان او پاکستان ترمنځ اړیکې په بیلابیلو برخو کې پراخې شي.
