دامريکا جمهور رئيس جورج بوش وايي امريکا د ناټو په غړيو هيوادونو کې د کرويشيا ، البنيا او مسدونيا د غړيټوب ملاتړ کوي. جورج بوش دا څرګندوني د ناټو د کلنۍ غونډې څخه يوه اوونۍ وړاندي دکرويشا او رومنيا ټلويزيون سره په مرکه کې وکړي. بوش په دې اړه څه ونه ويل چې دناټو په کلنۍ غونډه کې به ذکر سويو هيوادونو ته بلنه ورکړه سي. خو زياته يې کړه د ناټو 26 هيوادونه به د کرويشا، رومانيا او مسدونيا هيوادونو د غړيتوب فيصله کوي.