د تبت تبعيدي مشر ( دلاى لا ما) له نړيوالې ټولنې غوښتنه کړې چې د تبت دبحران په حل کې مرسته وکړي. هغه په نوي ډهلي کې په يوه خبري کنفرنس کې خبريالانو ته وويل موږ بېله انصاف ، عدالت ، صداقت او اخلاص څخه بله وسله نه لرو . هغه وويل چې بې وزلې دئ او بېله دعا څخه بل څه نه سي کولاى . د تبت مذهبي مشر ( دلاى لاما ) خبريالانو ته وويل چې په 1959 م کال د چين د حاکيم ګوند پر ضد د تبتيانو دناکام قيام څخه وروسته هندوستان ته ولاړ ، خو اوس د چين له مقاماتو سره ددغه خشونت دپاى ته رسولو لپاره خبرو ته چمتو دئ .