دامريکا د جمهوريت غوښتونکي ګوند کانديد ( جان مکين ) وايي امريکا بايد له نورو هيوادونو سره نژدې خبرې وکړي او دخپلو متحدينو نظريې واوري . مکين د چارشنبې په ورځ د بهرنۍ پاليسۍ په هکله د خپلې وينا پر وخت هڅه وکړه چې د جمهور رئيس بوش د بهرنۍ پاليسۍ څخه فاصله ونيسي.
مکين وايي :
زموږ دستر قدرت معنا دا نه ده هر وخت هرچيري هرڅه چي وغواړو کولاى سو . او يا داچي د کاميابۍ په لاره کې په هرڅه پوهيږو . په هرڅه اگاهي لرو . موږ بايد د نورو خبرې هم واورو . موږ بايد د خپلو ديموکراتيکو متحدينو نظريو ته احترام ولرو .
جان مکين د ګوانتانامو زندان د بنديدو غوښتنه وکړه . په ګوانتانامو کې مشکوک ترريستان توقيف دي. سناتور مکين داراز وويل چې امريکا بايد دنړۍ د اقليم له بدلون سره په مبارزه کې مهم رول ولوبوي ا و بايد له امريکا څخه دباندي د اقليم د بدلون تاثيرات له نظره ونه باسي.
