افغان دولت ویلي، د پاکستان دحکومت او ځايي طالبانو ترمنځ د سولې له خبرو اترو ملاتړ کوي،خو په دي شرط چې له پولې اخوانه پاکستاني طالبان افغانستان ته را وانه وړي او د افغانستان امنیت خراب نه کړي.

د ولسمشر ویاند همایون حمیدزاده نن د یوه خبري کنفرانس په ترڅ کې هیله څرګنده کړه چې د پاکستان د حکومت او ځايي طالبانو ترمنځ خبرې اترې به د افغانستان په حالاتو بده اغیزه ونه کړي.

راپورونه وايي پاکستاني طالبانو له حکومت سره د اور بند لپاره یو شرط دا ایښی چې په افغانستان کې به خپلې وسلوالې مبارزې ته ادامه ورکوي.