د عراق د بهرنيو چارو وزير نن وويل د عراق د امنيت په اړه د امريکا د متحده ايالاتو او ايران د خبرو څلورم پړاو د يوې نامعلومي مودي لپاره ځنډيدلئ دئ . هوشيار زباري وايي خبري ځکه ناممکني شوې چي دواړو خواو يو په بل تورونه لګولي . ايران د دوشنبه په ورځ وويل دا چي امريکايي ځواکونه په بغداد کي په شيعه وسله والو حملو ته دوام ورکوي نو د خبرو اړتيا نشته. د امريکا متحده ايالات په ايران تور لګوي چي په عراق کي شيعه وسله وال روزي او وسلي ورکوي.