د اسرائـيل صدراعظم ايهود المرت او د فلسطين مشر محمود عباس نن دسولي د هڅو په لړ کي چې لږ پرمختګ پکي تر سترګوکيږي له يوبل سره وليدل . دوي له سيمي څخه د امريکا د بهرنيو چارو د وزيري له کتني وروسته خبري وکړي .
دفلسطين مذاکره کونکوي صاحب عريقات وويل ننۍ کتنه د مذاکراتو په اصلي محور څرخيده چې په 2007 م کال د امريکا په کوربه توب د اناپوليس په ميريلند ښآر کي سوي وه .
بله خوا
د امريکا د بهرنيو چارو وزيرې کوندوليزارايس نن له اسراييل او داردن سيند له لويديځي غاړي څخه دخپلي وروستۍ کتني په ورځ د اسراييل له صدراعظم ايهود المرت سره خبري وکړي . د فلسطين له مشر محمود عباس سره د يکشنبي په ورځ تر خبرو وروسته ميرمن رايس وويل : هغه په دي باورد ه چې د روان ميلادي کال تر پايه د فلسطين او اسراييل ترمنځ د سولي تړون ممکن دى .
هغې له اسراييل څخه وغوښتل چې په لويديځه غاړه کي د فلسطينايانو د ژوند د ښۀ کولو لپاره ډير څه تر سره کړي او له فلسطين څخه يي وغوښتل چې د خپلو وسله والو د کنترول لپاره هڅه وکړي.