د لبنان د حزب الله ډلي جنګياليو له حکومتي عسکرو سره له دري ورځو پر له پسي جګړو وروسته نن د بيروت ښار لويدځه برخه ونيوله.
پدغو نښتو کي لږ ترلږه ١٠ کسان وژل شويدي.
جګړه دچهارشنبه په ورځ وروسته له هغي پيل شوه چي حکومت د حزب الله ډلي د مخابراتي شبکي د بندولو هڅه وکړه.
د حزب الله ډلي مشر حسن نصرالله د لبنان د حکومت دا عمل د جګړي اعلان وباله .
د حزب الله يانو او د حکومت پلويو سني ډلو تر مڼځ نښتو په لبنان کي د ١٩٧٠ او ١٩٨٠ لسيزو کورنيو جګړو خاطري را تازه کړي او نړيوال يي انديښمن کړيدي.

خبري رسنيو ويلي د لبنان پوځ او پوليس په هغو سنګرونو کي ځاي په ځاي کيږي چي حکومت پلويو سني ډلو په لويديځ بيروت کي پريښي دي.